INFO:

طبعا كله باذن الله و حوله و قوته ⚠️فعليا ما اضحك ⚠️الحرف هي الي تقعد للابد ⚠️يعني ولدي يدرس و ينجلد بنظام التدريسي الفاشل بنظري عشان بعدين يطلع دكتور او مهندس او مدرس او محامي او اي مهنة من المهن التقليدية و بنهاية الامر رئيس عمله بيتحكم فيه و شركات ثانيين راح يتدخلو بفرض سياستهم عليه شاء ام ابى و بالنهاية المعاش ما راح يكفيه لآخر الشهر و للأسف هذه حقيقة (المعاشات لا تكفي ابدا ) لاني المعيشة غالية جدا و المعاش نفسه او يرتفع شوي بحيث لا يغطي الغلاء الفاحش ⚠️انتم تدرون اني اعيش بكندا و الميكانيكي بكندا مليونير فعليا بدون مبالغة ( لازم تحطين موعد عنده قبل لا تروحين و على طووول فول مافي شواغر و لما يتم الامر و اقدر اوديله سيارتي لاي سبب بسيط عادي جدا ياخذ علي ١٠٠٠ -٢٠٠٠ دولار على شغلة بسيطة سواها u002F و هذا شيء جدا صدمني بالبداية و بعدين تعودت لانهم كلهم نفس الشي و نفس الاسعار ⚠️الكوافيرا بكندا عبارة عن وزيرة لاكبر مستوى بالدولة u002F منو يوصل ياخذ موعد معاها u002F و شغلهم زفت لكن ياخذون مبالغ مستفزة ⚠️فقعدت افكر صراحة سنوات انه ليش الناس ما تركز باحتراف حرف معينة ( نجار u002Fحداد u002Fلحام u002F خضرة u002F تجارة بسيطة بيع و شراء u002F صيانة منازلu002F صيانة صحية u002F صالون و تجميل u002F تنظيف حدائقu002F و غيرهم من الحرف …) فلقيت انه السبب هو ( النظرة المجتمعية ) للدكتور و المدرس و المهندس u002F طبعا الدكتور معاشة يجي باسبوع واحد من معاش الميكانيكي 😬فلك ان تتخيل الفرق. ⚠️طبعا احنا نحتاج الكل و الجميع بالحياة و نحتاج كل الحرف و كل الاعمال الكبيرة و الصغيرة لكن محتاجين نفكر ( شلون اجيب فلوس باقل مجهود و انا اكون المسؤول الأول و الاخير بشغلي ) مافي احد فوق راسي ⚠️لذلك فكرو كويس لمستقبل اطفالكم و حتى ولو يطلع دكتور علميه حرفة معاه بنظري مثلا ( دكتور- نجار ) ( مهندس-ميكانيكي) (مدرس-فلاح) و هكذا … ⚠️ادري راح تضحكون بس صدقوني الحياة ابسط مما تتخيلوها و الان شاركني هل انتم معي بالفكرة ام ضدي ؟و احبكم كوتش أنيسة💓